“Реал” Мбаппе ўрнига бошқа футболчи топди

“Реал” ва Килиан Мбаппе ўртасидаги воқеалар ривожи қандай давом этиши маълум эмас. Томонлар ўзаро ҳамкорликни истаётган бўлишига қарамай, “Қироллик клуби” Мбаппе билан расман алоқага чиққани йўқ.

Килиан эса, орзусидаги жамоа айнан “Реал” эканини таъкидлаяпти.

Мадридликлар ҳар эҳтимолга қарши Килиан Мбаппе трансфери амалга ошмаса, унинг ўрнини боса оладиган бошқа ижрочиларни ҳам танлаб қўйди.

Маълумотларга қараганда, “Қироллик клуби” мутасаддилари “Бавария” ҳужумкор футболчиси Жамол Мусиалани нишонга олган.

20 ёшли футболчи мюнхенликлар билан янги шартнома имзолашга шошилмаяпти. Бу вазият Европанинг  қатор гранд клублари эътиборини Мусиалага қаратди.