“Real” Mbappe o‘rniga boshqa hujumchi oladigan bo‘lyapti

“Real” rahbariyati Kilian Mbappeni shu yoz qo‘lga kirita olmasa, transfer oynasi yopilgunga qadar boshqa forvardni transfer qilishni rejalashtirmoqda.

Relevo nashrining yozishicha, madridliklarga asosiy to‘purar sifatida o‘ynaydigan hujumchi kerak. U yozda jamoani tark etgan Karim Benzemaning o‘rnini to‘ldirishi talab etiladi.

Aslida madridliklar uchun asosiy nishon Mbappe hisoblanadi. Agar hujumchining transferi shu yoz amalga oshsa, klub 200 million evrodan ko‘proq xarajat qilishiga to‘g‘ri keladi. Qolaversa, Kilianni jamoaga qo‘shib olish oson emas.

Shu bois, madridliklar zaxira varianti sifatida yana bir to‘purar topishni maqsad qilgan.