“Реал” Мбаппе ва Холанд ўрнини босадиган бошқа тўпурар топди

“Реал” раҳбарияти ёзги трансферлар даврида ПСЖ ҳужумчиси Килиан Мбаппени қўлга киритишга уринмоқда.

Агар бу трансфер ўхшамаса, мадридликлар бор эътиборини “Манчестер Сити” вакили Эрлинг Холандга қаратади.

Қимматбаҳо юлдузларнинг трансфери кутилмаган сюрпризларни тақдим этиши сир эмас. Шунинг учун ҳам “Қироллик клуби” яна бир вариант устида ишламоқда. Хусусан, Мбаппе ва Холанд трансферини амалга ошириш имкони топилмаса, “Реал” мутасаддилари “Наполи”дан Виктор Осимхенни олиб келишни мўлжаллаган.

Бу ҳақда Football Espana нашри хабар тарқатди.

Мбаппе  ёзда эркин агентга айланади. Холанд трансфери янги жамоага 180 миллион евродан қимматга тушади. Виктор Осимхен эса, бу икки юлдуздан бироз арзонроқ баҳоланмоқда ва унинг трансферини 120 миллион евро атрофидаги маблағ эвазига ҳал қилиш мумкин.