“Реал” Мбаппени олиш йўлини топди

“Реал” мутасаддилари ПСЖ ҳужумчиси Килиан Мбаппени қўлга киритиш бўйича алоҳида режа ишлаб чиқди.

Todofichajes  нашрининг ёзишича, мадридликлар ПСЖга бразилиялик ҳужумчи Винисиус Жуниорни жўнатиб, ўрнига Килиан Мбаппени олиб келмоқчи.

Манбанинг таъкидлашича, “Реал” раҳбарияти Винисиуснинг турли можароларга аралишиб қолаётганидан норози ва футболчи клуб имиджига зиён келтирмоқда, деб ҳисоблаяпти.

Аслида “Реал” Винисиусни сотиб юбориб, унинг трансферидан келадиган маблағни Мбаппега сарфлашни режалаштирганди. Лекин улар иш осонроқ кўчиши учун парижликларга рокировкани таклиф қилмоқчи.