“Реал” Мбаппени олиши учун унинг онаси оғир шартни бажариши керак

Франция терма жамоаси ва ПСЖ ҳужумчиси Килиан Мбаппенинг асл орзуси “Реал”да ўйнаш ҳисобланади. Шу боис 25 ёшли форвард парижликларнинг 400 миллион евро маош кўрсатилган тўрт йиллик шартномасини қабул қилмай турибди.

Бироқ “Қироллик клуби” президенти Флорентино Перес ва Килианнинг манфаатларини агент сифатида ҳимоя қилаётган онаси Файза хоним ўртасидаги муносабатлар яхши эмас.

Испаниянинг COPE нашрига кўра, “Реал” фақат бир шарт бажарилса, Мбаппенинг трансферига киришади. Унга кўра, Файза хоним “Реал” хўжайини Флорентино  Пересга шахсан қўнқиро қилиб, ўғли бу клубга ўтишни истаётгани ва бунга тайёрлигини айтиши керак.

Бундан ташқари, Мбаппе томони “Реал” 2022 йили таклиф қилган 25 миллион евро миқдоридаги йиллик маошни инобатга олмасдан, 15 миллион евролик моянага кўниши талаб этилмоқда.

“Реал” аввалги таклифлари қабул қилинмагани туфайли Мбаппега катта маблағ тўлаш ва уни жамоага келишга кўндириш учун борини беришга тайёр эмаслиги таъкидланди.