“Реал” Модричга лавозим берди

“Реал” раҳбарияти жамоа плеймейкери Лука Модрич профессионал фаолиятини якунлаганидан кейин ҳам клубда қолишини истаяпти.

Маълумотларга қараганда, “Қироллик клуби” хорватиялик ўйинчига клуб тизимида раҳбарлик лавозимларидан бирини ҳозирдан таклиф қилиб бўлди.

Таъкидлаш жоизки, Модрич яқинда “Ан-Наср”нинг мўмай даромадли шартномасини қабул қилмаган эди. У Мадридда қолиб, “Реал”да яна бир йил ўйнашни танлади.

Модрич “Реал”га 2012 йили “Тоттенхэм”дан трансфер қилинган эди. 37 ёшли футболчи фаолиятини айнан Мадридда якунламоқчи.