“Реал” мухлисларига яна бир нохуш хабар

“Реал” яқинда асосий дарвозабони Тибо Куртуани жароҳат туфайли узоқ муддатга йўқотган эди. Клуб ҳали унинг ўрниган янги посбон олиб келгани йўқ.

Эни ҳимоячи Эдер Милитао ҳам жароҳат олди. Бу футболчи Испания чемпионатининг биринчи турида “Атлетик” билан бўлган баҳсда шикастланган.

Marca нашрининг ёзишича, бразилиялик ўйинчининг ҳам жароҳати жиддий. Унинг тиззаси пайлари қаттиқ шикастланган.

Энди Милитао қўшимча тиббий кўрикдан ўтказилади. Шундан кейин даволаниш муддати ва ўйинчининг қачон майдонга қайтиши маълум бўлади.