“Реал” мухлисларини тинчлантириб қўйди

Бугунги кунда дунёнинг энг қудратли клубига айланган “Реал”нинг юлдуз ўйинчилари Саудия Арабистонидан мўмай даромадли таклифлар олмоқда.

Саудияликлар анчадан бери мадридликларнинг асосий ҳимоячиси Антони Рюдигерни ўзларига оғдириб олишга уринмоқда.

“Қироллик клуби” раҳбарияти бу борада ўз қарорини билдириб, “Реал” мухлисларини анча хотиржам қилиб қўйди.

Таниқли инсайдер Фабрицио Романо клуб хўжайинлари германиялик футболчининг ўйинидан тўлиқ қониқиш қилаётгани, бош мураббий Карло Анчелотти бошчилигидаг мураббийлар штаби уни олиштириб бўлмас ўйинчи сифатида тан олишини маълум қилди.

Рюдигернинг ўзи ҳам фаолиятини “Реал”да давом эттириш фикрида қатъий турибди ва бир неча бор шайхларнинг чорловини қабул қилмади.

31 ёшли ҳимоячи профессионал даражада Германия, Италия, Англия ва Испания чемпионатларида тўп тепган. “Реал” уни 2022 йили “Челси” билан шартномаси тугаганидан кейин эркин агент сифатида ўз сафига қўшиб олганди.

Антонио Рюдигернинг мадридликлар билан амалдаги шартномаси 2026 йилнинг ярмигача давом этиши белгиланган.