«Реал»нинг қишки трансферлар ойнасидаги режалари аниқ

Мадриднинг «Реал» клуби қишки трансферлар бўйича ўз позициясини аниқ белгилаб олди. Инсайдер Мигель Серранонинг маълум қилишича, клуб фақат икки ҳолатдагина трансфер қилиши мумкин.

Биринчи ҳолат – жамоа етакчи футболчиларидан бири ёки бир нечтаси жиддий жароҳат олиб, узоқ муддатга сафдан чиқиб қолиши. Агар шундай вазият юзага келса, «қироллик клуби» ўша ўринни тўлдириш учун янги ўйинчи қидиришни бошлайди.

Иккинчи сабаб – асосий таркибдаги футболчилардан бирининг клубни тарк этиш истаги. Агар кимдир кетишга қарор қилса, «Реал» унинг ўрнини босадиган ўйинчи учун трансфер бозорига чиқади.