"Реал" Обамеянг масаласида "Арсенал"га расмий таклиф юборди

"Реал" Мадрид клуби "Арсенал" форварди Пьер-Эмерик Обамеянгни сотиб олмоқчи. Бу ҳақда France Football нашри хабар тарқатмоқда.

Юқоридаги манбага қараганда, “қироллик клуби” 30 ёшли габонлик футболчининг трансфери масаласида “канонирлар”га расмий таклиф юборишган. Агар, “Арсенал” мавсум якунларига кўра, Чемпионлар лигасига чиқа олмаса, у ҳолда Обамеянгни сотиб юбориши мумкин.

Обамеянг жорий мавсум “Арсенал” сафида жами 32 та ўйинда майдонга тушди ва 20 та гол ҳамда 1 та голли узатмага муаллифлик қилди.