“Реал” олса бўлди, маошдан воз кечаман

Португалия терма жамоаси ярим ҳимоячиси Рубен Невеш Саудия Арабистонининг “Ал-Ҳилол” клубини тарк этиб, қишки трансфер ойнаси даврида Мадриднинг “Реал” клубига ўтишни истамоқда.

Defensa Central нашри хабарига кўра, 28 ёшли футболчи январь ойида мадридликлар сафига қўшилиш учун маошини учдан икки қисмга қисқартиришга ҳам тайёр.

Ла Лиганинг гранди португалиялик футболчига асосий даъвогарлардан бири сифатида тилга олинган эди, аммо ярим ҳимоячининг очиқ-ойдин истагига қарамай, ўтиш амалга ошмаслиги мумкин.

Сабаби – “Қироллик клуби” қишда ҳеч кимни жамоага қўшмайди. Барча кириш трансферлари келаси ёзга мўлжалланган.

Рубен Невешнинг “Ал-Ҳилол” билан шартномаси яна ярим йилдан кейин якунланади. Илгари “Вулверхэмптон”да ўйнаган португалиялик юлдузга Европанинг бир қатор клубларидан қизиқиш бўляпти.