“Реал” ўйинчиларига “даҳшат” маош тўлаяпти

Нуфузли манбалардан бири – L'Equipe журнали Испания чемпионатида энг катта маош олаётган футболчилар рейтингини тузиб чиқди.

Ушбу рўйхатдан мамлакатнинг амалдаги чемпиони “Реал” ўз ўйинчиларига пул тўлашда ҳам етакчи экани маълум бўлди.

Испания чемпионатида энг кўп маош олаётган ўйинчи Килиан Мбаппе ҳисобланади. Франциялик тўпурарнинг ойлик хизмат ҳақи 2,67 миллион еврога баҳоланган.

Умуман олганда, Ла Лиганинг энг маоши катта беш футболчисидан тўрт нафари “Қироллик клуби” вакилларидир. Уларнинг орасига “Барселона” ҳужумчиси Роберт Левандовски қўшилиб қолган.

“Топ-5” рейтинг қуйидагича кўриниш олди:

1. Килиан Мбаппе (“Реал”) — € 2,67 млн

2. Винисиус Жуниор (“Реал”) — € 2,5 млн

3. Роберт Левандовски (“Барселона”) — € 2,17 млн

4. Давид Алаба (“Реал”) — € 1,88 млн

5. Жуд Беллингем (“Реал”), Ян Облак (“Атлетико”) — € 1,67 млн.