"Реал" қачон Мбаппе учун таклиф юбормоқчи?

Ушбу ёзнинг яна бир шов-шувли трансферларидан бири бўлиши кутилаётган Килиан Мбаппенинг келажаги бироз сўроқ остида қолмоқда. Унинг мақсади клубда қолиб, кейинги ёзда ПСЖни тарк этиш эди. Аммо раҳбарият бунга қарши. 

Мбаппе учун курашда фаворит "Реал" бўлиб турибди. Мадридликлар 24 ёшли ҳужумчи учун ушбу ҳафта таклиф билан чиқиши мумкин, дея хабар бермоқда "Diario Sport" нашри. Сабаби, мадридликлар Ла Лига бошлангунга қадар футболчининг қолиш-қолмаслигини билиши керак.

Килиан учун "Ал-Ҳилол" ҳам расмий таклиф юборган. Саудия клуби унга 700 миллион евроли маош бермоқчи. Аммо француз буни рад қилди.