“Реал” Роналду билан ўйнаётган юлдузни Европага қайтаради
“Реал” мутасаддилари жамоани тарк этган марказий ҳимоячи Начо Фернандеснинг ўрнига бошқа футболчи қидирмоқда.
Сўнгги маълумотларга қараганда, мадридликлар Саудия Арабистони чемпионатида Криштиану Роналду билан бирга “Ан-Наср” жамоасида ўйнаётган испаниялик ҳимоячи Эмерик Лапортни олиб келмоқчи.
El Larguero нашрининг ёзишича, 30 ёшли футболчининг ўзи ҳам Европага қайтиш учун маошининг бир неча баравар камайишига розилик берган.
Эмерик Лапорт профессионал даражада Бильбаонинг “Атлетик” ва Англиянинг “Манчестер Сити” клубларида ўйнаган.
Тажрибали марказий ҳимоячи ўтган йили ёзда “Ан-Наср”га кўчиб ўтган эди. Transfermarkt портали томонидан 20 миллион еврога баҳоланаётган футболчининг саудияликлар билан шартномаси 2026 йилнинг ярмигача тузилган.
Фикрлар