“Реал” Роналдунинг қайтишига муносабат билдирди

“Реал”нинг асосий ҳужумчиси Карим Бензема жароҳати туфайли Қатардаги жаҳон чемпионатида ҳам қатнаша олмаяпти.

Испан матбуоти франциялик ҳужумчи ўрнига мадридликлар “Манчестер Юнайтед” билан хайрлашиш арафасида турган Криштиану Роналдуни олиб келишни режалаштираётгани ҳақида хабар тарқата бошлади.

Бироқ, “Реал”га яқин бўлган манбалар, бу вариантни инкор этди. “Қироллик клуби” раҳбарияти 37 ёшли ҳужумчини ортга қайтаришда мантиқ йўқлигини таъкидламоқда.

Криштиану Роналду фаолиятидаги энг ёрқин даврини айнан Мадрид клубида ўтказган. Португалиялик юлдуз мадридликлар сафида икки маротабадан Испания чемпионати, кубоги, Суперкубоги, УЕФА Суперкубоги, уч марта клублар ўртасидаги жаҳон чемпионати ва тўрт марта Чемпионлар лигаси ғолиби бўлган.