“Реал”: Сен келмасанг, ўрнингга еттитаси бор!

“Реал” ҳимоя чизиғини мустаҳкамлаш учун анчадан бери “Ливерпуль” ўнг қанот ҳимоячиси Трент Александер-Арнольдни кутиб юрибди.

Мадридликлар бу трансферни имкон бўлса, январь ойидаёқ ёпмоқчи эди. Лекин англиялик футболчи ҳали келажаги бўйича якуний қарорга келгани йўқ.

“Реал” ҳимояга ўйинчи олиш масаласида тезкорлик қарорлар чиқаришига тўғри келмоқда. Айни пайтда клуб мутасаддилари ҳамкорлик таклифи бериладиган ҳимоячилар рўйхатини тузиб чиқди.

Унга кўра, рўйхатдан Бенжамин Павар, Педро Порро, Дензел Дамфрис, Жереми Фримпонг, Андрей Ратиу, Хуанлу Санчес ва Серж Орье каби етти нафар ҳимоячи жой олди.

Экспертларнинг таъкидлашича, Педро Порро, Дензел Дамфрис ва Жереми Фримпонг каби таниқли ўйинчиларни олиш осон бўлмайди. Андрей Ратиу ва Хуанлу Санчес каби ўйинчилар масаласини 10-15 миллион еврога ҳал қилса бўлади.