“Реал” суперфутболчи билан келишиб бўлди

“Бавария” билан шартномаси якунланаётган Давид Алаба “Реал” клубида тўп сурадиган бўляпти. Marca нашрининг хабар беришича, универсал ҳимоячи мадридликлар билан шахсий шартнома бўйича келишувга эришган.

Sky Sports  нашри бу маълумотларни инкор қилган ҳолда, “Реал” раҳбарияти австриялик футболчининг агентларига расмий таклиф билдирмаганини эълон қилди.

Шундай бўлса-да, Серхио Рамос билан келиша олмаётган “Реал” Алабага асосий даъвогарлардан бири сифатида эътироф этилаётган эди. Ҳатто Зинедин Зиданнинг шахсан ўзи Алабага қўнғироқ қилиб, уни Мадридга чақиргани ҳақида ҳам хабарлар бор.