“Реал” суперфутболчи учун таклифни 180 миллионга кўтарди

“Реал Мадрид” президенти Флорентино Перес “Бавария” қанот ҳужумчиси Майкл Олисени сотиб олиш учун таклифни 180 миллион еврогача оширишга тайёр.

Бу ҳақда Defensa Central нашри журналист Мигель Серраного таяниб хабар бермоқда.

Аввалроқ “Қироллик клуби” раҳбари франциялик футболчи трансфери учун 150 миллион евро тўлаши ҳақида хабарлар чиққан эди.

Шунингдек, журналист Рамон Альварес Майкл Олисенинг ўзи ҳам  “Реал”га ўтишни истаётганини таъкидлаган.

Ўтган мавсумда Олисе барча мусобақаларда 52 та учрашувда иштирок этиб, 22 та гол ва 31 та голли узатмага муаллифлик қилди.

Футболчининг клуб билан амалдаги шартномаси 2029 йил ёзига қадар амал қилади. Transfermarkt маълумотларига кўра, унинг бозор қиймати 150 миллион еврони ташкил этади.