"Real" tajribali yarim himoyachisi o‘rniga 19 yoshli futbolchini olib kelmoqchi

"Real Madrid" "AZ Alkmar"ning 19 yoshli yarim himoyachisi Kes Smitga qiziqmoqda. Bu haqida The Athletic xabar berdi.

Manbaning taʼkidlashicha, oʻtgan yozda "qaymoqranglilar" niderlandiyalik futbolchini 29 yoshli Daniyel Sebalyosga oʻrinbosar sifatida koʻrayotgan edi. "AZ Alkmar" Smitni qishki transfer oynasida qoʻyib yubormoqchi emas va uning sotuvidan taxminan 60 million yevro ishlab olmoqchi. Yarim himoyachiga "Real"dan tashqari "Barselona", "Manchester Yunayted", "Nyukasl" va Dortmundning "Borussiya" klublari qiziqish bildirmoqda.

Joriy mavsumda niderlandiyalik futbolchi barcha musobaqalarda 27 ta oʻyinda maydonga tushib, 2 ta gol va 5 ta golli uzatmaga mualliflik qildi. Futbolchining klub bilan amaldagi mehnat shartnomasi 2028 yilning yoziga qadar moʻljallangan. Transfermarkt portalida keltirilgan maʼlumotlarga koʻra, futbolchining bozor narxi 22 mln yevroni tashkil etadi.