“Реал” талвасада: Мбаппе учун мисли кўрилмаган катта харажат қилинади

“Реал”нинг Килиан Мбаппе бўйича режаси иш бермаслиги мумкин. Мадридликлар 24 ёшли ҳужумчи келаси ёзда шартномасини якунлаб, эркин агент сифатида “Реал”га ўтишини кутаётган эди.

Бироқ, вазият тез ўзгармоқда. ПСЖ Мбаппени трансферга қўйганидан кейин Европа грандлари уни олиш ҳаракитини бошлаб юборди.

“Реал” иккинчи маротаба Мбаппедан қуруқ қолмаслик мақсадида харажат қилишга рози бўлган. Таниқли журналист Родриго Фаэснинг ёзишича, “Қироллик клуби” шу ҳафта ичида ПСЖ хўжайиндари билан трансфер масаласида келишиб олмоқчи.

Манбанинг таъкидлашича, мадридликлар Мбаппе трансфери учун парижликлар сўраётган 230 миллион еврони беришга тайёр.

“Реал” ўз мақсадига эришиб, тез орада Килиан Мбаппени трансфер қиладиган бўлса, тўпурарга 2029 йилнинг ёзигача давом этадиган шартнома берилади.