“Реал” тез орада Жуд Беллингем учун расмий таклиф юборади

"Реал" Мадрид бир неча ҳафта олдин 19 ёшли англиялик ярим ҳимоячи билан шахсий шартнома тафсилотларини келишиб олган. Инсайдер Фабрицио Романонинг сўзларига кўра, "қироллик клуби" ҳозирда "Боруссия" Дортмундга расмий таклиф тайёрламоқда.

Шартнома бонусларни ўз ичига олади. Шу билан бирга, мадридликлар "Боруссия"нинг Бундеслигада 1-ўрин учун курашини кузатмоқда. Чемпионлик масаласи ҳал бўлгач, расмий таклиф жўнатилади. Олдинроқ, "Реал" ва "Боруссия" Жуднинг трансфери бўйича 100+40 миллион еврога келишиб олганликлари ҳақида хабар берилганди.

Беллингем жорий мавсум Бундеслиганинг 31 ўйинида 8 та гол урди ва 4 та голли узатмани амалга оширди.