“Реал” тўрт нафар топ-футболчини нишонга олди

Жорий мавсумда ҳимоя чизиғида кўп муаммоларга дуч келаётган “Реал” ёзги трансферлар вақтида таркибда жиддий янгиланишлар қилишни режалаштирмоқда.

Бош мураббий Карло Анчелотти таркиб танлашда марказий ҳимоя ва ўнг қанотга муносиб номзод қўя олмаяпти.

Transfer News Live ва Daily Mail каби манбаларнинг ёзишича, “Қироллик клуби” мутасаддилари ёзда олиниши мўлжалланаётган ҳимоячилар рўйхатини шакллантирди.

Бу рўйхатга Англия Премьер-лигасида ўйнаётган тўрт нафар топ-футболчи киритилди. Булар “Манчестер Юнайтед”дан Лисандро Мартинес ва Диогу Далот, “Ливерпуль”дан Трент Александер-Арнольд ҳамда “Тоттенхэм”дан Кристиан Ромеро.

Нишондаги ўйинчилар орасидан Трентнинг ливерпулликлар билан шартномаси якунланмоқда ва мадридликларда 26 ёшли ўнг қанот ҳимоячисини бепул олиш имкони бор.

Transfermarkt портали экспертлари Ромерони 65 миллион, Мартинесни 50 миллион ва Далот 40 миллион еврога баҳолаяпти.