“Реал” ва “Арсенал” шов-шувли трансферга киришди

“Реал” раҳбарияти жамоани тарк этган марказий ҳимоячи Начо Фернандесга муносиб ўринбосар қидирмоқда.

Todofichajes нашрининг ёзишича, мадридликларга “Арсенал”да ўйнаётган Франция терма жамоаси ҳимоячиси Уильям Салиба маъқул келган.

“Қироллик клуби” Салибани олиш учун “Арсенал” билан рокировкани амалга оширмоқчи. Мадридликлар Лондонга ҳужумчи Родригони жўнатишни режалаштиряпти. Ўз навбатида, Микель Артета “Арсенал”га кучли форвард қидирмоқда.

Бу шов-шувли трансфер амалга ошиши учун “канонирлар” мадридликларга Салибани беришдан ташқари маълум миқдорда пул ҳам тўлаши талаб этилади.

Чунки бразилиялик ҳужумчи франциялик ҳимоячидан қиммат туради. Трансферларга ихтисослашган transfermarkt.world портали Родригони 110 миллион еврога баҳолаган. Салибанинг трансфер нархи 80 миллион еврога тенг.