“Реал” ва “Барса”: Бунақа пайт рақибликни унутиш керак!

“Барселона” ярим ҳимоячиси Гави Европа чемпионати саралаш турнирида Испания терма жамоасининг Грузига қарши ўтказган учрашувида оғир жароҳат олди.

Тиббий текширувлар футболчи бир йилга яқин майдонга туша олмаслигини кўрсатди.

“Барселона”нинг ашаддий рақиби – “Реал” футболчиларидан Хоселу ва Даниэль Карвахаль ёш футболчини  қўллаб-қувватлади.

- Биз ҳам рақиб, ҳам ҳамкасбмиз. Энг аввало, ҳаммамиз ҳам одаммиз. Сен янада кучли бўлиб қайтасан. Омад, - деб ёзди Даниэль Карвахаль Гавига атаган постида.

- Бу ғалаба мағлубиятдан ҳам аламли бўлди. Сен зўр йигитсан ва бу омадсизликни енгиб ўтасан. Хафа бўлма. Сенга далда бўламиз, - деб ёзди Хоселу.