"Real" va "Barselona" Premier-liga yulduziga ko‘z tikdi

"Arsenal" markaziy himoyachisi Vilyam Saliba yetakchi ispan klublari diqqat markazida turibdi. Bu haqida CaughtOffside nashri xabar bermoqda.

Manba ma'lumotiga ko‘ra, 25 yoshli fransuz himoyachisiga "Real" va "Barselona" jiddiy qiziqish bildirmoqda. Shu bilan birga, "Arsenal" Salibani sotish niyatida emas va faqat 150 million yevro yoki undan yuqori takliflargina ko‘rib chiqilishi mumkinligi ta'kidlanmoqda.

Saliba "kanonirlar" safida 2019 yildan buyon to‘p surmoqda. O‘tgan mavsumda u jamoa bilan birga Angliya chempioni bo‘ldi. Muvaffaqiyatli mavsum davomida himoyachi barcha musobaqalarda jami 50 ta o‘yin o‘tkazib, bir gol urdi va bir golli uzatma muallifiga aylandi.

Salibaning "Arsenal" bilan amaldagi shartnomasi 2030 yil iyuniga qadar mo‘ljallangan.