"Реал" Винисиусни эркин агент сифатида кетишига йўл қўймайди

"Mundo Deportivo" нашрининг ёзишича, "Реал Мадрид" раҳбарияти Винисиус Жуниорнинг амалдаги шартномаси тугагач, клубни эркин агент сифатида тарк этишига мутлақо рози эмас.

Агар бразилиялик футболчи келаси ёзгача шартномани узайтирмаса, "қироллик клуби" уни трансфер рўйхатига қўйишни режалаштирмоқда. Манбага кўра, раҳбарият Винисиуснинг сўнгги пайтлардаги хатти-ҳаракатларидан мамнун эмас ва бу омил унинг клубдаги келажагига таъсир кўрсатиши мумкин.

Шу билан бирга, Винисиус янги шартнома бўйича музокараларда кутишни танлаган — у ҳатто эркин агент сифатида кетиш имконини ҳам истисно этмаётгани айтилади.

Бу эса "Реал" учун қабул қилиб бўлмас вариант ҳисобланади. Ҳозирги келишув Винисиусни мадридликлар билан 2026/2027 йилги мавсум охиригача боғлаб туради.