"Реал" яна бир футболчисини узоқ муддатга йўқотди

"Реал" Мадриднинг ўнг қанот ҳимоячиси Дани Карвахаль кеча Ла Лиганинг 23-туридан ўрин олган “Валенсия”га (2:0) қарши ўйинда жароҳат олди.

Cope нашрининг хабар беришича, 29 ёшли испаниялик футболчи мушакларидан жароҳат олган. Шифокорлар унинг тахминан 1,5 ой майдонга тушолмаслигини айтмоқда.

Карвахаль жорий мавсум “Реал” сафида 12 та ўйинда майдонга тушди ва 4 та голли узатмага муаллифлик қилди.