“Реал” яна бир катта трансферни текинга ҳал қилди

“Реал” раҳбарияти қўллаётган трансфер сиёсати кейинги пайтда жамоага катта фойда келтирмоқда. Мадридликлар ўзлари кўзлаган машҳур ўйинчилар билан узоқ вақт алоқа ўрнатиб, уларни эркин агент мақомига эришгандан кейин ўз сафига қўшиб олмоқда.

Хусусан, Килиан Мбаппе трансфери ҳам ҳудди шу тартибда амалга оширилди ва ПСЖ етакчи ўйинчисининг кетишидан куйиб қолди.

Энди мадридликлар Альфонсо Дэвис билан ҳудди шундай йўл тутди. “Бавария” ўз ўйинчисини қиммат баҳолаб, мўмай даромад ишлаб олишни кўзлаганди.

Бироқ, “Реал” мутасаддилари канадалик ҳимоячини 2025 йилнинг ёзида тугайдиган шартномани узайтирмасликка кўндирди. Энди Дэвис янги мавсум тугаганидан кейин эркин агент мақомида Мадридга кўчиб келади.

“Бавария” эса, 23 ёшли чап қанот ҳимоячиси трансферидан бир евро ҳам ишлаб ололмайди. “Қироллик клуби” Альфонсо Дэвис ҳеч қайси клуб билан битим тузмаслиги учун унга катта миқдорда бонус беришни ваъда қилди.