“Реал” янги мураббий топди. У жамоани Анчелоттидан қабул қилиб олади

“Реал” навбатдаги чемпионлигига яқинлашмоқда. Италиялик мутахассис Карло Анчелотти жамоани жуда яхши бошқаряпти.

Шунга қарамай, “Қироллик клуби” кейинги бош мураббий масаласини ҳам кўриб чиқмоқда. Клуб хўжайини Флорентино Перес жамоани келаси мавсум якунланганидан кейин Хаби Алонсога топширмоқчи.

Испаниялик мутахассис кўплаб катта жамоалар нишонида турган эди. Яқинда Алонсо келаси мавсум ҳам “Байер”да қолишини маълум қилди.

Аксарият манбаларда Хаби Алонсонинг ўзи ҳам “Реал”да ишлашни истаётгани ва “Байер”да қолишига асосий сабаблардан бири сифатида Анчелотти курсини бўшатишини кутаётгани экани айтилмоқда.