“Реал” янги қоидани менсимагани қимматга тушяпти

“Реал” раҳбарияти Ла Лига трансляция ҳуқуқини сотиб олганларнинг камераларини кийим алмаштириш ва махсус хоналарга киритмаётган ягона жамоа бўлиб турибди.

Хусусан, “Қироллик клуби” биринчи турда “Атлетик” билан бўлган ўйинда ҳам жараённинг тўлиқ ёритилишига йўл қўймади.

The Athletic нашрининг таъкидлашича, “Реал” трансляция бўйича тўлиқ ҳамкорликка кўнмаган ягона жамоа бўлиб турибди. Аслида “Барселона” ва “Атлетик” ҳам кийим алмаштириш хонасига камера киргизмасликка қарор қилганди. Лекин молиявий имкониятлари чекланган ушбу клублар Ла Лига талабини бажаришга мажбур бўлди.

Ҳисоб китобларга қараганда, “Реал” раҳбарияти ўз позициясида қатъий қоладиган бўлса, 13 миллион евро миқдорида маблағ йўқотади. Мадридликлар бош мураббийи Карло Анчелотти ҳам кийим алмаштириш хонасига камералар киритилишига қарши чиқмоқда.