"Реал" Йович ўрнига 3 та ҳужумчини кўз остига олиб қўйди
Улардан қай бири "қироллик клуби"га муносиб?
Қишки трансферлар даврида Лука Йовични “Айнтрахт”га ижарага бериб юборган "Реал" унинг ўрнига муносиб футболчи қидирмоқда.
AS нашри тарқатган хабарга кўра, “қироллик клуби” бу борада қуйидаги 3 та футболчи номзодини кўриб чиқмоқда: Серхио Агуэро ("Манчестер Сити"), Оливье Жиру ("Челси") ва Аркадиуш Милик ("Наполи"). Айтиш лозимки, ушбу футболчиларнинг амалдаги шартномалари ярим мавсумдан сўнг ўз ниҳоясига етади ва шу сабабли ҳам “Реал” уларни арзонроқ суммага сотиб олиши мумкин.
32 ёшли Агуэро жорий мавсум 9 та ўйинда майдонга тушди ва 2 та гол урди. 34 ёшли Жиру 17 та ўйинда 9 та гол урди. 26 ёшли Милик эса бу мавсум бирорта ҳам ўйинда майдонга тушмади.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар