"Реал" – "Барселона": Матнли трансляция

Испания Ла Лигасининг 30-тури доирасида "Реал" Мадрид ўз уйида "Барселона"ни қабул қилади. Ушбу саҳифа орқали ўйиннинг матнли трансляциясини кузатиб боришингиз мумкин. Учрашувнинг хавфли вазиятларини ўтказиб юбормаслик учун саҳифани янгилаб туриш тавсия этилади.

• 79'

  Каталонияликлар катта куч билан олдинга ўтмоқда. Бироқ бундан фойда чиқариш осон бўлмаяпти.

• 77'

  Одриосоланинг жарима майдонига оширган тўпини дарвозабон майдон ташқарисига чиқариб юборди.

• 74'
  

  Дембеленинг бурчакдан етказиб берган тўпини ҳимоячилар узоқлаштирди.

• 72'
  

  Зидан катта юриш амалга оширди: Винисиус, Бензема ҳамда Кроос ўрнига Марсело, Мариано ва Иско майдонга туширилди.

• 69'
  

  Рақибига нисбатан қоида бузган Начога сариқ карточка кўрсатилди.

• 66'
  

  Бускетс ўз ўрнини Серхи Робертога бўшатиб берди.

• 64'

  Винисиуснинг узатмасидан кейин ҳимоячи тўп йўналишини ўз дарвозаси томон ўзгартирди. Тўп устунга тегди.

• 62'
  

  Федерико Вальверде ўз ўрнини Марко Асенсиога бўшатиб берди.

• 60'
  

  ГОООООООООООООООООООООООООООООООООЛ! Учрашувда ҳисоб қисқарди!

  Альбанинг қанотдан етказиб берган тўпини Мингеса дарвозага тўғирлаб юборди.

• 58'

  Лионель Месси томонидан яратилган голли вазиятни жамоадоши давом эттира олмади.

• 56'
  

  Антуан Гризманн ўйиндан ташқари ҳолатда қолиб кетди.

• 54'

  Крооснинг жаримадан йўллаган зарбаси бартараф этилди.

• 52'
  

  Дембеле бурчакдан тўпни жарима майдончаси ичига етказиб берди, иккинчи қаватдаги тўп учун курашда Начо ютиб чиқди.

• 50'
  

  Бурчакдан оширилган тўпга Лангле ноаниқ зарба берди.

• 48'

  Винисиус жамоадошини қулай имконият билан таъминламоқчи эди. Аммо Бенземадан олдин тўпга рақиб футболчиси етиб келди.

• 46'
  

  Бўлимлар оралиғида меҳмонларда ўзгариш: Дест ўз ўрнини Гризманнга бўшатиб берди.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+3'
  

  Танаффус!

• 45+2'
  

  Сўнгги сонияларда каталонияликлар ҳисобни қисқартириши мумкин эди! Аммо Леонинг яқин масофадан берган зарбасини Куртуа қайтарди.

• 45+1'

  Месси бурчакдан тўпни тўғри дарвозага йўллади. Тўп тўсинга тегди.

• 45'
  

  Биринчи таймга 2 дақиқа қўшиб берилди.

• 43'
  

  Жароҳат олган Васкес ўз ўрнини Альваро Одриосолага бўшатиб берди.

• 41'

  "Барселона" жарима майдонига киришга қанча ҳаракат қилмасин, рақиблар яхши ҳимояланмоқда.

• 39'
  

  Васкес ҳамда Бускетс жиддий тўқнашиб кетди. Лукасга тиббий ёрдам керак.

• 38'

  Жарима майдонига ёриб кирган Дембеле йиқилиб тушди. Менди унинг йиқилишига бироз ёрдам бериб юборди.

• 36'
  

  "Қироллик клуби" бурчак зарбасидан наф чиқара олмади.

• 35'
  

  Ҳисоб йириклашиши мумкин эди! Вальверденинг кучли зарбасидан кейин тўп устундан қайтди. Такрорий уринишни дарвозабон қайтарди.

• 34'

  Мессининг зарбаси ҳимоячилардан ўтмади.

• 32'

  Бускетснинг узатмаси жамоадошига қадар етиб бормади.

• 30'

  Вальверденинг зарбаси дарвоза устунига тегиб қайтди!

• 30'

  Ҳисобни ишончли кўринишга келтирган мадридликлар фаоллик кўрсатишда давом этмоқда.

• 27'
  

  ГООООООООООООООООООООООЛЛЛ!!! Кроосдан фантастик гол! Жаримадан берилган зарба Дест ҳамда Альбага тегиб дарвоза тўридан жой олди! 2:0!

• 26'

  Винисиус рақиб жарима майдончаси чизиғи устида йиқитилди. Араухо айбдор. Кроос жарима зарбасини ижро этади.

• 25'

  Каземиро 2 футболчини алдаб ўтган Педрини чалиб йиқитди. Ҳакам уни оғзаки огоҳлантирди.

• 23'

  Бенземанинг жарима зарбаси дарвозадан анча баландлаб кетди.

• 22'
  

  Альба сариқ карточка билан огоҳлантирилди. Бензема жарима зарбасини ижро этади.

• 20'

  "Реал" аъзолари рақиб жарима майдончаси чизиғи устида чиройли тарзда тўпни олиб қўйишмоқда, бироқ якунда барибир каталониялийлар устун келишди.

• 18'

  Жаримадан Месси тўпни ичкарига ҳаволатиб етказиб берди, бироқ Лангле ҳужумда фол қайд этди.

• 17'
  

  Мессининг саъй-ҳаракатлари бурчак тўпи билан якунланди. Унинг ўзи зарбани ижро этади.

• 14'
  

  ГОООООООООООООООООЛЛЛ!!! "Реал" учрашувда ҳисобни очмоқда! Бенземадан ажойиб шедевр! "Эл-класико"га мос мумтозона гол! Васкеснинг узатмасини француз ўнг оёғи билан чиройли тарзда Тер Штеген постига жойлаб қўйди! Ҳамма ҳайратда.

• 10'
  

  Бурчакдан Кроос тўпни жарима майдончаси ичига етказиб берди, ҳимоячилар вазиятни бартараф этди.

• 8'

  "Барса" аъзолари қулай имкониятдан фойдалана олмади, ҳимоячилар тўпни узоқлаштирди, қайтган тўпни Мингеза ноаниқ зарбаси билан юқорига тепиб юборди.

• 7'

  Вальверде Де Йонг ҳамда Бускетсга нисбатан ўйин қоидасини бузди.

• 6'

  Қанотдан Альба жарима майдончаси ичига тўпни узатиб бермоқчи бўлди, бироқ Вальверде узатманинг йўлини тўсди.

• 4'

  Бу сафар Месси Каземирога нисбатан ўйин қоидасини бузди, "Реал" яхшигина ҳужумга ўтиб кетиши мумкин эди.

• 2'

  Каземиро Мессига нисбатан фол ишлатди

• 2'

  Учрашувни "Барса" бошлаб берди. Ҳозирча меҳмонлар тўпни назорат қилмоқда

• 1'
  

  Ҳакам хуштаги янгради ва ўйинга старт берилди!

• 0'

  Жамоалар майдонга чиқиб келишмоқда

• 0'

  Ассалому алайкум, қадрли футбол мухлислари! Бир неча сониялардан сўнг бутун дунё орзиқиб кутган "эл-класико" старт олади. Учрашувни сизлар билан бирга камина Жалолиддин Қобилжонов кузатиб боради.