"Реал"да бу футболчига "тегиб бўлмайди". Ёхуд Зиданнинг ёқимтойи ким? (ФОТО)

"Реал" Мадрид клуби мураббийлар штаби жамоанинг бразилиялик ярим ҳимоячиси Каземирога "дахлсиз" мақомини беришди. Бу ҳақда Marca нашри хабар тарқатмоқда.

Юқоридаги манбага кўра, бош мураббий Зинедин Зидан 28 ёшли футболчини жамоанинг асосий ўйинчиларидан бири, деб ҳисоблайди ва шу боис уни ҳали бери қўйиб юбормайди. Ҳатто, жамоага Поль Погба ёки Эдуардо Камавинга каби футболчилар келган тақдирда ҳам, Каземиро асосий футболчи бўлиб қолаверади.

Каземиро "Реал" сафига 2013 йил "Сан-Паулу"дан кўчиб ўтган эди. Унинг клуб билан амалдаги шартномаси 2023 йилга қадар имзоланган.