“Реал”да катта йўқотиш

“Реал” таянч ярим ҳимоячиси Орельен Тчуамени жароҳат олгани боис қўшимча чуқурлаштирилган тиббий кўрикдан ўтказилди.

Текширувлар натижаси унинг чап оёқ товон қисмида суюк синиши борлиги аниқланганини кўрсатди. Мутахассисларнинг таъкидлашича, бундай жароҳатдан тикланиш икки ойгача давом этади.

Энди Тчуамени 2023 йил давомида жамоасига ёрдам бера олмаслиги айтилмоқда.

23 ёшли футболчи жорий мавсумда “Реал” сафида барча турнирларда 14 маротаба майдонга тушганди. У ўз ҳисобига битта гол ҳам ёздириб қўйган.