“Реал”да янги вундеркинд пайдо бўлди. Англия грандлари уни олиб кетмоқчи

“Реал” академиясидан ҳар доим ноёб истеъдод эгалари етишиб чиққан. Бу ёз мухлису мутахассислар эътиборига 16 ёшли Хоан Мартинес тушди.

Мартинес ўтган мавсумни 19 ёшгача бўлган футболчилар жамоасида ўтказган эди. Карло Анчелотти иқтидорли ҳимоячини асосий таркибга қўшиб, “Милан” билан бўлган ўртоқлик ўйинида майдонга туширди.

Мартинесга “Манчестер Юнайтед” ва “Челси” дарров эътибор қаратди ва уни Англияга кўчириб келиш режасини туза бошлади.

Испаниянинг AS нашри ёзишича, “Қироллик клуби” мутасаддилари Англиядан бўлаётган қизиқишлардан хавотирга тушаётгани йўқ. Чунки улар Мартинес фаолиятини фақат “Реал”да давом эттиришни истаётганини яхши билади.