“Реал”га бориб, Бенземани ўрнини эгаллашга тайёрман!

Fichajes нашрининг маълум қилишича, “Ювентус” ҳужумчиси Душан Влахович жамоадаги ўрнидан норози бўлмоқда ва мавсум тугаши билан Туринни тарк этишга тайёр.

Маълумки, “Ювентус”нинг аввалги раҳбарияти молиявий фирибгарликларга йўл қўйган ва текширув оқибатида уларнинг айби исботланиб, жамоадан 15 очко олиб ташланди. Турин клуби келаси мавсумда Европа Чемпионлар лигасига чиқа олмайди.

Душан Влахович ўз агентлари орқали хизматини “Реал”га таклиф қилди. Мадридликлар 35 ёшли ҳужумчи Карим Бензема ўрнига келажакда жамоанинг асосий тўпурари бўладиган форвард қидирмоқда.

Влаховичда фаолиятини Англия премьер-лигасида давом эттириш имконияти ҳам бор. Унга “Арсенал” ва”Манчестер Юнайтед” каби клублар ҳамкорлик таклиф қилишга тайёр.