“Реал”га Холанд ҳам, Мбаппе ҳам керак эмас. Зиданда зўр вариант бор

“Қироллик клуби” ёзги трансферлар вақтида тўпурар ҳужумчи сотиб олади. Анчадан бери мадридликлар Килиан Мбаппе ва Эрлинг Холандга кўз тикаётган эди.

Энди Зинедин Зидан олдида янги вариант пайдо бўлди.

“Реал” ёзги трансфер вақтида “Тоттенхэм”дан кетиш пайида юрган Ҳарри Кейнни  олишга қарор қилди.

Мадридликлар бу ҳужумчининг трансфери нисбатан арзон тушишига ишонмоқда. Чунки Ҳаррининг агенти акаси Чарли ҳисобланади ва у трансфер учун катта улуш талаб қилмайди. Тўпурар ҳужумчининг ўзи ҳам совринлар учун курашадиган жамоага ўтишни истамоқда.

Шунингдек, Флорентино Перес Гарет Бэйлни “Тоттенхэм”га жўнатиб, лондонликлар билан дўстона алоқа ўрнатгани ҳам Ҳарри Кейн трансферида қўл келиши мумкин.

Ҳарри  Кейннинг “Тоттенхэм” билан шартномаси 2024 йилнинг ярмига қадар давом этади. Клуб 27 ёшли ҳужумчини 150 миллион фунтга баҳолаган.

Жорий мавсумда Кейин жами 40 та учрашувда майдонга тушиб, 27 та гол урди ва 16 марта голли пас оширди.