“Реал”ни синдирган Райсдан ғалати статистика: 238 та учрашувда зарбалар бекор кетган!

Европа Чемпионлар лигасининг чорак финал биринчи учрашувида “Арсенал” футболчиси Деклан Райс иккита жарима зарбасини шу қадар мукаммал бажардики, ҳар икки вазиятда тўп “Реал” дарвзасидан ўрин олди.

58 ва 70-дақиқаларга тўғри келган мана шу икки зарба мадридликларни “синдирди”. ҚЎшимчасига Микель Мерино ўз юртидан келган жамоа дарвозасига учинчи голни ҳам урди.

BBC Sport нашрининг маълум қилишича, Деклан Райс бунгача 238 та учрашув давомида жарима зарбаларидан унумли фойдалана олмаган. “Реал”га қарши баҳсда ярим ҳимоячи “қора анъана”сига барҳам берди.

Энди ҳар икки жамоа 16 апрель куни “Сантьяго Бернабеу” стадионида бўладиган жавоб ўйинида яна ўзаро куч синашиб, кейинги босқичга ким чиқишини аниқлаб олади.