"Реал"нинг ишончли ҳимоячиси бўлажак учрашувда қатнашмаслиги мумкин

"Реал Мадрид" ҳимоячиси "Райо Вальекано"га қарши беллашувда иштирок эта олмаслиги мумкин. Бу ҳақда "Cope" нашри хабар бермоқда. 
 
Испания Ла Лигасининг бўлажак учрашувидан аввал германиялик футболчи умумий гуруҳ билан машғулот ўтказмаган. Манбага кўра, Рюдигерда ҳеч қандай жароҳат йўқ. Фақатгина бироз шамоллаган. Шу боис, ўйиндан аввалги машғулотларда иштирок эта олмаган. 
 
Маълум бўлишича, Антонио ҳали ҳамон эртанги учрашувда майдонга тушиши сўроқ остида. Агарда ўзини яхши ҳис қилса, ҳаракат қилиш эҳтимоли бор. 
 
Эслатиб ўтамиз, 32 ёшли футболчи жорий мавсум "қироллик клуби" сафида 39 та учрашувда иштирок этиб, 2 та гол уришга муваффақ бўлди.