“Реал”нинг Мбаппе трансферини амалга ошириш имконияти баҳоланди

“Реал” анчадан буён Килиан Мбаппени қўлга киритиш ниятида. Клуб президенти 25 ёшли футболчининг маҳоратини жуда юқори баҳоламоқда.

Бироқ Мбаппе атрофидаги вазият қандай ечим топиши мавҳумлигича қолмоқда.

Бу масалани ёритиш билан шуғулланаётган испаниялик журналист Хосеп Педрерол мадридликларнинг трансфер имкониятига баҳо берди.

Мутахассиснинг таъкидлашича, “Реал”нинг Мбаппени қўлга киритиш имконияти 60 фоизга тенг экан. “Қироллик клуби”нинг ўзи ҳам бу трансфернинг муваффақиятли амалга оширилишига юз фоиз амин эмас.

Мбаппенинг ўзи ҳам келажаги ҳақидаги саволларга аниқ жавоб бераётгани йўқ. Ҳужумчи ҳали қайси жамоада тўп тепиши бўйича якуний қарорга келмагани айтди.