"Реал"нинг хато қилишини кутиш қийин"

"Барселона" бош мураббийи Хави Ла Лига чемпионлиги учун кураш ҳақида гапириб ўтди. 

"Жуда хурсандман. Ўз ишимизга фидойилик билан ёндашяпмиз. Биз тинмай ўз устимизда ишлаяпмиз ва бу иш бермоқда. 

Балки, мана шу "Барселона" бу мавсумдаги энг зўридир. Йирикроқ ҳисобда ғалаба қозонишимиз мумкин эди, лекин "Севилья" дарвозабони Буну ажойиб ўйин ўтказди. Бу олти очколик баҳс эди ва биз иккинчи ўриндамиз. 

Ҳар бир учрашувда ғалаба учун майдонга чиқамиз. "Реал"нинг хато қилишини кутиш қийин, аммо биз охиригача курашамиз", - деди "кўк-анорранглилар" устози.