Rodrigo joriy mavsumda "Barselona"dan qasos olish vaqti kelganini aytdi

“Real Madrid” hujumchisi Rodrigo azaliy raqib hisoblangan “Barselona” haqida o‘z fikrlarini bildirdi. O‘tgan mavsumda kataloniyaliklar “Real”ni to‘rt marta mag‘lub etishga muvaffaq bo‘lgan edi.

" O‘tgan mavsumni eslamaslik kerak. Biz o‘z o‘yinimizda etarlicha kuchli emasdik, ayniqsa “El-Klasiko”da. Ularga qarshi o‘ynash biz uchun noqulay bo‘lgan. O‘tgan mavsumda to‘rtta “Klasiko”da ham mag‘lub bo‘ldik. Shuni tan olish kerakki, hozir “Barselona” yaxshi formada — ularning jamoasi kuchli va ishonch bilan o‘ynayapti. Biroq bizda ham ajoyib tarkib bor"

"Bu og‘ir o‘yin bo‘ladi, ammo biz “Santyago Bernabeu”da, o‘z muxlislarimiz oldida maydonga tushamiz va nimalarga qodir ekanimizni ko‘rsatamiz. G‘alaba qozonish uchun reja tuzib, ularni har qanday holatda mag‘lub etishimiz talab qilinadi. Chunki biz uyimizda harakat qilamiz"

26 oktyabr kuni “Barselona”ni mag‘lub etib, gol urishni tasavvur qila olasizmi?

“Qirollik klubi  bilan shartnoma imzolagan har bir futbolchi Chempionlar Ligasida g‘alaba qozonishni va “Barselona” darvozasiga hal qiluvchi gol urishni orzu qiladi. Men ham shunday umid qilaman",— dedi braziliyalik vinger.

Ma’lumot uchun, joriy mavsumdagi dastlabki “El-Klasiko” 26 oktyabr kuni bo‘lib o‘tadi.