"Рома" – "Женоа" ўйинида минимал ҳисоб қайд этилди

Итяли А Сериясининг 26-туридан ўрин олган "Рома" ва "Женоа" жамоалари ўртасидаги ўйин якунланди. Мазкур баҳсда "бўрилар" минимал ҳисобда ғалаба қозонди. 

Учрашувдаги ягона голга 24-дақиқада Жанлука Манчини муаллифлик қилди. Ҳимоячи Пеллегринининг узатмасидан сўнг ҳаммадан баланд сакраб, бош билан гол урди.

Генуяликлар сафида ҳаракат қилаётган легионеримиз Элдор Шомуродов иккинчи бўлим бошида Пьяца ўрнига майдонга тушди.

• 90+5'
  

  Учрашув якунланди. Матнли трансляция Жалолиддин Қобилжонов томонидан олиб борилди!

• 90+2'

  Сўнгги сонияларни майдон эгалари фаолроқ ўтказмоқда.

• 90'
  

  Ўйиннинг асосий вақтига 5 дақиқа қўшиб берилди.

• 88'
  

  Бруно Перес ўз ўрнини Леонардо Спинаццолага бўшатиб берди.

• 86'
  

  Крис Смоллингга тиббий ёрдам керак.

• 84'
  

  Доменико Кришито сариқ карточкага лойиқ кўрилди.

• 80'

  Скамакканинг зарбаси дарвоза тўсининг ёнгинасидан ўтиб кетди

• 75'
  

  Баллардини Строотман ўринга Скамаккани майдонга туширди

• 75'
  

  "Рома"да ўзгариш: Педро ўз ўрнини Карлес Пересга бўшатиб берди

• 74'
  

  "Рома" гол урганди, бироқ офсайд сабабли бекор қилинди. Педронинг "раббона" усулидаги зарбаси дарвоза устунига тегиб қайтди. Қатган тўпни ўйиндан ташқари ҳолатда турган Майораль дарвозага жойлаб қўйганди

• 68'
  

  "Рома" мураббийларидан бирига ҳакам қизил карточка кўрсатди

• 67'

  ВУУУҲ! Виллиарнинг зарбаси ҳимоячнинг ёқларига сўнгра дарвоза устунига тегди

• 64'
  

  Кевин Стротман огоҳлантирилди.

• 62'

  Шомуродовда қулай имконият бўлиши мумкин эди, Смоллинг тўп қайтарди

• 60'
  

  "Рома"да 2та ўзгариш бўлади. Эл-Шаарави ва Амаду Диавара майдонни тарк этди. Улар ўрнига Виллар ҳамда Мхитарян майдонга туширилди

• 56'

  "Женоа" тўп назоратини ўз қўлига олишга ҳаракат қилмоқда

• 52'

  Манчини ҳимоячиларни ортда қолдириб зарба йўллади. Ноаниқ!

• 51'

  Заппакостанинг зарбаси дарвозабоннинг қўлига бориб тушди

• 50'

  Рик Карсдорпнинг зарбаси дарвоза тўсини ёнгинасидан ўтиб кетди

• 46'
  

  "Женоа" иккинчи бўлимни ўзгартириш билан бошлайди: Пьяца ўрнига Шомуродов, Паоло Гильоне ўрнига эса Франческо Кассата туширилди

• 46'
  

  Иккинчи бўлим бошланди

• 45'
  

  Танаффус!

• 45'
  

  Ҳужумда тўпни қўл билан ўйнагани учун Дестро огоҳлантирилди

• 43'

  Пеллегрининг жаримадан йўллаган зарбаси жонли деворга тегиб қайтди

• 41'

  Гильенонинг узатмасидан сўнг Дестро ноқулай тарзда бош билан зарба йўллади

• 40'

  Амаду Диавара рақибга нисбатан қўполллик ишлатди

• 36'

  Лоренцо Пеллегрини яна бир бор ҳимоячиларни ортда қолдиришга ҳаракат қилиб кўрди, лекин бу сафар ўхшамади. Пеллегрини бугун анча фаол

• 32'

  Стефан Эль-Шаарави узоқроқ масофадан ўз омадини синаб кўрди. Ноаниқ!

• 29'
  

  Паоло Гильоне ўйиндан ташқари ҳолатда қолиб кетди

• 26'

  Маттиа Дестро жарима майдони ичига узатмани амалга оширди, бироқ жамоадошларидан ҳеч ким йўқ эди

• 23'
  

  ГООООООООООЛ! Мезбонлар учрашувда ҳисобни очишга эришди. Гол муаллифи Жжанлука Манчини 

• 21'

  Андреа Мазьелло ҳужумда фол ишлатди

• 20'

  Давиде Дзаппакостанинг узатмасини "бўрилар" ҳимоячилари қайтарди

• 17'

  Жанлука Манчинининг бош билан йўллаган зарбасига аниқлик етишмади

• 13'

  Дестронинг жарима майдони ташқарисидан йўллаган зарбаси тўғри дарвозабоннинг қўлига бориб тушди

• 9'

  Маттиа Дестрода қулай имконият бўлиши мумкин эди, бироқ сўнгги паллада ҳимоячилар уни тўпсизлантирди

• 7'

  Иван Радованович фол ишлатди

• 6'
  

  Бурчак тўпидан сўнг Смоллинг бош билан зарба йўллади, ноаниқ!

• 5'

  Лоренцо Пеллегринининг зарбаси ҳимоячиларга тегиб қайтди

• 2'

  Жаримадан узатилган тўпни ҳимоячилар қайтарди

• 1'

  Кришито майдон марказида Пеллегринига нисбатан қўполлик ишлатди

• 1'
  

  Учрашув бошланди!

• 0'

  "Женоа" сафида ҳаракат қилаётган ҳамюртимиз Элдор Шомуродов бугунги ўйинни захира ўриндиғида бошлайди

• 0'

  Ассалому алайкум қадрли футбол мухлислари бироздан сўнг А Сериянинг 26-туридан ўрин олган "Рома" ва "Женоа" жамолари ўртасидаги баҳс старт олади. Учрашувни камина Жалолиддин Қобилжонов матнли трансляция қилиб боради.