"Рома" 21 ёшли испаниялик футболчи билан шартнома имзолади

Римнинг "Рома" клуби "Эльче" ярим ҳимоячиси Гонсало Вильяра билан шартнома имзолади. Бу ҳақда клуб расмий сайти хабар тарқатмоқда.

Юқоридаги манбаага кўра 21 ёшли футболчининг трансфери римликларга 4 млн еврога тушган. Бундан ташқари яна 1 млн евро бонус ҳам бор. Футболчининг ўзи эса 2024 йилга қадар тузилган шартномага имзо чеккан.

Маълумот учун, Вильяр “Эльче” сафида 39 та ўйинда майдонга тушди ва 2 та гол ҳамда 1 та голли узатмага муаллифлик қилди.