"Рома" Алиссон ўрнига "Барселона" посбонини олиб келмоқчи

Римнинг “Рома” клуби катта эхтимол билан мавсумлар оралиғида жамоадан кетиши кутилаётган дарвозабон Алиссоннинг ўрнига муносиб номзод қидиришни давом эттирмоқда.

El Mundo Deportivo нашри тарқатган хабарга қараганда “бўрилар” бразилиялик посбоннинг ўрнига "Барселона" дарвозабони Яспер Силлессенни олиб келишмоқчи. Ўз навбатида “Барселона” ҳам голландиялик футболчини қўйиб юборишга қарши эмас.

Маълумотларга кўра каталонияликлар Силлессен учун 35 млн евро талаб қилишмоқда.