"Рома" футболчиси А Серия тўпурарлари рўйҳатида кучли олтиликка кириб олди

Италия А Серияси 25-тури доирасида "Рома" ўз майдонида "Лечче"ни қабул қилди ва йирик ҳисобда мағлубиятга учратди.

Ушбу баҳсда римликлар форварди Эдин Жеко ўзининг А Серия клуби таркибидаги 102 голини киритди. Шу тариқа босниялик футболчи А Серия тўпурарлари рўйҳатида олтинчи ўринни эгаллади.

Рўйҳатни "Рома" собиқ футболчиси Франческо Тотти 307 гол билан бошқариб турибди. Кейинги ўринларни Роберто Пруццо (138), Амедео Амадеи (111), Родольфо Волк (106) ва Томас Манфредини (104) эгаллаб турибди.