“Рома” ҳужумчиси икки суперклуб нишонида

“Рома”нинг англиялик ҳужумчиси Тэмми Абрахам мавсум якунланиши билан ўз юртига қайтиб кетиши мумкин.

25 ёшли тўпурарнинг “Рома”даги ишлари юришмаяпти. “Рома” раҳбарияти уни алиштириб бўлмас футболчилар рўйхатидан чиқарган ва яхши таклиф бўлса, сотиб юборишга тайёр.

Ҳужумчи атрофидаги вазиятни кузатиб бораётган “Манчестер Юнайтед” ва “Арсенал” римликларга мурожаат қилиб, Абрахамнинг трансфер маълумотларини сўраган.

Ҳар икки клуб бу трансферни ёзда амалга оширишни мўлжалламоқда.