"Рома" ҳужумчисини "Тоттенхэм"га чорлашмоқда

Лондоннинг "Тоттенхэм" клуби "Рома" ҳужумчиси Женгиз Ундерга қизиқиб қолди. Бу ҳақда Corriere dello Sport нашри хабар тарқатмоқда.

Юқоридаги манбаага кўра “шпорлар” туркиялик футболчини қишки трансферлар давридаёқ сотиб олишмоқчи. Ўз навбатида Ундернинг ўзи ҳам мунтазам ўйин амалиётига эга бўлиш учун жамоасини ўзгартиришга қарши эмас. Унга эса шунингдек "Милан" ҳам қизиқмоқда.

Маълумот учун, Ундер жорий мавсум “Рома” сафида 10 та ўйинда майдонга тушди ва 1 та гол уришга эришди. Унинг римликлар билан амалдаги шартномаси 2023 йилга қадар имзоланган.