“Рома” Роналду трансфери бўйича баёнот берди

“Рома” спорт директори Тьягу Пинто “Манчестер Юнайтед” ҳужумчиси Криштиану Роналду Римга келиши мумкинлиги ҳақидаги хабарларга муносабат билдирди.

Португалиялик юлдуз қишки трансферлар вақтида “Манчестер Юнайтед”ни тарк этиш эҳтимоли ошиб бораётгани учун оммавий ахборот воситаларида уни турли жамоаларга ўтиш имконияти муҳокама қилинмоқда.

- Мени Италияда ҳайрон қолдираётган ишлардан бири шуки, доим трансферлар ҳақида гап чиқади. Ҳар куни шу муҳокама қилинади. Биз Португалияда трансферлар ҳақида трансфер ойнаси очилганидан кейин гаплашишга одатланганмиз. “Рома” учун Роналду ҳеч қачон трансфер нишони бўлмаган, уни сафимизга қўшиб олмоқчи бўлганимиз ҳақидаги хабарлар ҳақиқатга асосланмаган. Ҳақиқат шуки, Роналдунинг трансфери биз учун имконсиз.

Бундай гап-сўзларнинг мен, Жозе Моуриньо ва Криштиану Роналду португалиялик бўлганимиз учун келиб чиқмоқда, деб қабул қилиш мумкин, - деди Тьягу Пинто.