“Рома” янги ўйинчи топди

Жозе Моуриньо Франция чемпионатидан ўйинчи олишни режалаштирмоқда. Маълумотларга қараганда, римликлар “Лилль” ярим ҳимоячиси Шекага харидор бўлмоқда.

Португалиялик футболчининг ўзи “Лилль”ни тарк этмоқчи. Яқинда унинг агентлари ярим ҳимоячининг хизматларини “Интер”га таклиф қилиб, рад жавобини олганди.

Шунга қарамай, Шекада А Серияда ўйнаш имконияти сақланиб турибди.

Рим клуби Шекани олиш учун Испания чемпионати вакили “Валенсия” ва  Туркиянинг машҳур клуби “Галатасарой” билан рақобатлашишига тўғри келади.

 27 ёшли ярим ҳимоячи марказда таянч зонаси ва чап қанот ярим ҳимоясида ўйнай олади. Унинг францияликлар билан шартномаси икки ойдан кейин якунланади.

Шека жорий мавсумда барча турнирларда 31 маротаба майдонга туши, тўртта гол ва битта ассист муаллифи бўлди.